Hernialdeko plazatik abiatuta, elizaren atzealdetik, eskuinera hartu eta errepidera jaitsiko gara. Errepidea zeharkatu eta Igor-txiki, Urrukane eta Urrutikoetxea baserriak pasatuko ditugu. Hortik Iriarte eta Sagastira joan eta, hor, Aizkotako iturrira doan gurdibidea hartuko dugu. Aurreneko bidegurutzean eskuinera hartuko dugu Bidaurrera joango gara. Hurrengo bidegurutzetan ezkerrera hartu eta Haginateko basoan barneratuko gara. Hurrengo bidegurutzean eskuinera hartuz eta bigarrengoan ezkerrera, Etxolatza baserrira iritsiko gara. Zuzen joanez, Aizkotako iturritik gertu azalduko gara eta, eskuinetik jaitsiz, Zuloaga errekarantz. PR-Gi 114tik gertu dagoen bidegurutzera. Ezkerrera hartuta, Olotzagako bailara jaitsiko dugu, borda bateraino, eta hor, ezkerretik Ulanganea baserrira igoko igoko gara. Gero, Olotzaga, Saraon eta Tomasenetik Maletxera heldu eta errepidea utziko dugu, bide zaharratik Goienetxera igotzeko. Urritzen belardi bat pasa eta, berriro, errepidean azalduko gara. Parean dugun bidea hartu eta, laster, plazara iritsiko gara.

• Iraupena: 2h 15
• Luzera: 8000 m
• Desnibela: 250 m