Ibilbidea Adunako plazan hasiko dugu. Zabala sagardotegitik barrena joan eta bidegurutze batera iritsiko gara; bidegurutzean "Basapotako atseden-lekua" irakur daiteke. Gu bertara joango gara beti bide nagusitik.

Atseden-lekura heltzean, eskuinera hartuko dugu, eta urkien eta pagatxen artean doan bidexka batetik igoko gara; bidexkak Mariakogainara eramango gaitu. Gain horretatik Belkoain mendi tontorrera igo eta bertan dagoen trikuharria ikusteko aukera izango dugu. Bestela, Andoiainera zuzentzen duen gurdibidetik jaitsi eta, lehenengo bidegurutzean, eskuinera hartuko dugu eta, bigarrengoan, biderik  zabalena. Bide horrek, galtzeko arriskurik gabe, hasierako pistara eramango gaitu; aurretik, lurralde onetan hain ezagunak ez diren koniferen sail batetik, sekuoien artetik, igaroko gara.

Bidetik atzera hasierako zatia egitea besterik ez zaigu geratuko, berehala plazara iristeko, 6,3 kilometro ibili ondoren.

• Distantzia: 6,3 km.
• Iraupena: 2 ordu
• Altuera: 280m.
• Zailtasuna: ertaina