Herriko plazatik gora egingo dugu errepidean zehar Abeletxe aterpetxe eta jatetxera arte, eta Azkarate baserriraino jarraituko dugu. Hortik gora, orain pistan zehar, Zarateko benta eta Olentzo-Etxeberri baserri aldamenetik pasatuko gara. Otadiaren goi aldean aparkaleku txiki bat dago eta eskuinetara mendi-bide estu bat ateratzen da; bide hori antzinako abelbidea da. Horri jarraituz "Zarateko Benta" izeneko trikuharriaren eta Aizkuitzeta baserriaren ondotik joango gara. Hor beherako bidea hartu eta Basapota atsedenlekura iritsiko gara.

Pistan behera jarraitu jo eta lehen bidegurutzean, pago zoragarri baten ondoan, eskuinera egingo dugu. Hortik, ezkerraldetik, Pagoa baserrira jeitsiko gara eta hortik Zubiaurretxo erreka zeharkatzen duen zubira; hori zeharkatu eta Saizar eta Iola baserrietarantz igoko gara. Aurrera egingo dugu San Migel ermitaraino eta jada errepidea hartuz berriro Zizurkilgo plazara iritsiko gara.

• Distantzia: 12,5 km.
• Iraupena: 3 ordu ta 45 min.
• Altuera: 275m.
• Zailtasuna: ertaina